香港人去台灣單車環島遊﹣﹣﹣﹣其他裝備(II)

單車衫﹣﹣﹣單車衫其實可以用一些排汗衣都可以，不用買專業單車衫，因每件都要三四佰元，如要環島最少要準備三件，實在有點貴。冬天就著長袖，春夏秋就短袖，因為一路踩就一路溜汗，都不用著太多衫，但要有風衣，一來可擋風，二來可擋雨。綿質衫就不要箸了，當你每日都要洗衫，重要唔乾，背住又濕又重又唔乾嘅綿質衫踩車，諗起都無引啦！
單車褲﹣﹣﹣單車褲就一定要買，香港踩幾個鐘都patpat 痛啦，何況踩十幾日。如果要平就上淘寶買啦，啲質料都ok 嫁。都係最好三四條啦，一個唔好彩落幾日雨，帶得小就無得換。有啲mountain 嘅單車衫可以齋換內胆，又唔會太過做現代青年，都幾好嫁。冬天就可以著一啲3/4 or 全長的單車褲或加腳套。
單車鞋﹣﹣﹣如果專業單車手就用lock 踏鞋，如不就用普通波鞋，有啲人會著運動型涼鞋（Teva),好似話幾舒服，我就無箸過，因為我怕炒車嘅時候會整傷埋隻腳。我自己就著一對salmon 的爬山運動鞋，幾通風又耐磨，最好係不用綁鞋帶，避免鞋帶捲入車鏈中間。
前後單車燈﹣﹣﹣台灣法例好似一定要有，如果無法例都一定要準備，因台灣不像香港，晚上很多地方都無街燈，就算有都隔好遠才有。人生路不熟，對住前路一篇漆黑都幾驚嫁。我第一日就偶上這樣的情況，車燈無電，重要俾狗追，由大路轉入小路去酒店，係啲小村揾路入去鎮，又黑又單程路，如果無車頭燈應該會俾車車死。

香港人去台灣單車環島遊﹣﹣﹣﹣其他裝備(I)

原本想早一點發表這文章,但找了很久也找不到自己出發前的裝備照片，那次我把帶到台灣的物品放在地上，足足6呎Ｘ6呎的地板地也放不下所有物品。因家中的地磚是２Ｘ２的，所以像放九宫格一樣。現在只好借用書本中的照片代替。
那麼我們從頭說吧！

• 安全帽﹣﹣﹣這是必需的，雖台灣還未立例要所有騎單車者都要配帶，但因要和機車一族共用行車線， 發生意外時可以避免頭部嚴重受傷。價位方面不用買太高的，因不要速度比賽，不需太輕量化，但要舒服。長期配帶如有不適，會令遊玩的心情大大下降。最常出現的情況是，頭形不合，帽子太小，令到太陽穴位不適，其次是耳朵太高，時常會和帽子的帶子磨擦。款式一定要靚，長時間係馬路已經滿面泥塵，如要影相留念，再見到嗰頭盔唔靚，返到香港一定後悔點解唔加多一佰幾拾買個心頭好，而家望親啲相都會有眼寃嘅感覺。

• 太陽眼鏡﹣﹣﹣長時間在室外同陽光玩遊戲，點可以唔戴太陽眼鏡。除了防曬外，亦可防止沙塵吹入眼及擋風，使眼部不用太乾。如有近視幾好唔好帶穩形眼鏡。

• 太陽油﹣﹣﹣度數愈大愈好，長時間曝曬，如果唔用太陽油，脫住皮踩就麻煩了。重要全身擦，見到太陽的地方都要擦，你有無見過十隻手指都黑白色，好似中毒咁，到時可以玩黑白配，男仔女仔配。
• 手套﹣﹣﹣各下練習過鐵砂掌,可以省下買手套的價錢買其他嘢。如不請買一對有ＧＥＬ在手掌位的手套，貼緊手部為好，試清楚舒服才買，款式什多，可買全指或半指都得。我會買半指，手指動作會靈活啲。
  

香港人去台灣單車環島遊﹣﹣﹣﹣單車選購

原本這個blog純粹是看到朋友的文章後，無意間開了一個account，因自己寫作能力有限，所以無想個會發表文章。但今天因一個facebook 的email，才有寫blog 的衝動，反正都要回覆，不如公諸同好。
我在facebook 有一個群組"單車環台～～體驗難忙的生活滋味",這個group跟blog 都是無心之作，誰不知有一些不認識的朋友加入了這群組後，向我發問了一些環島的問題，希望盡我所能解答所有問題！
facebook單車環台group
當初去環島時也想過怎樣帶車到台灣這個問題，家中亦因這次旅行買了兩架單車（其實只是一個藉口）,一架是公路車（road bike),另一架是爬山車（mountain bike）。如果真的要環島最好是買旅行車，因為這種車的車架會比較硬，而且有專用尾架及頭架，可以方便放行李及相機，但亦因這樣子的設計，所以重量方便亦會增加。如果你可以同航空公司攞一個不設行李重量上限的方法，不防買部玩下，但想喺香港揾部旅行車都唔易，我只在大埔金Ｘ見過一部真正旅行車。
旅行車

其次的選擇就係爬山車，但這類車都有分硬架及軟架，硬架就是有前避震，軟架就是前後都有避震。這兩種車要選擇的話，我會選前這，因軟架比較適合玩山路，如環台大多數時間都會踩馬路，不需要前後都有避震，因有兩個避震的話會有很多的能量消耗在車子上，要在連續多日的長途旅行，這樣的浪費體能會是一種受罪。
硬架單車
軟架單車
一向有踩開公路車的人，最好踩公路車，車身輕，踩得快，但最大問題是公路車的車軚比較幼，在一般的公路上踩會很容易爆呔，還要在車尾加裝馬鞍袋放行李，車軚的壓力實在太大了。
公路車
至於小輪徑及摺車就因為輪子比較細，平衡方便比大車差一點，還要放車尾架及馬鞍袋，在於我的經驗還是不會放在考慮之列。
小輪徑
摺車

所以最後我選擇在台灣租單車，那次在台灣的Giant 店租了兩架爬山車，車子包括有前後燈，里數碼錶，車尾架，馬鞍袋，還可以在全台灣的Giant 店有免費維修服務。其實在外地單車旅行，維修是十分重要，人生路不熟，當你係路上爆呔壞車真係叫天不應叫地不聞。雖然不是向Giant 租車都可以去他們的店做維修。
台灣單車租車店網址
還有一種不用錢的借車方法就是去蛙大咖啡店借車，只要你交一份環台的proposal 就可以了。那次有蛙大的咖啡店吹水時，蛙大親口講只要簡簡單單即可。詳情可在蛙大的網址查詢。這個免費借車的計畫第一個參加者還是一個香港女仔㖭！
蛙大咖啡店網址
下回講下點解要買咁多嘢去環島！