香港人去台灣單車環島遊﹣﹣﹣﹣其他裝備(II)

單車衫﹣﹣﹣單車衫其實可以用一些排汗衣都可以，不用買專業單車衫，因每件都要三四佰元，如要環島最少要準備三件，實在有點貴。冬天就著長袖，春夏秋就短袖，因為一路踩就一路溜汗，都不用著太多衫，但要有風衣，一來可擋風，二來可擋雨。綿質衫就不要箸了，當你每日都要洗衫，重要唔乾，背住又濕又重又唔乾嘅綿質衫踩車，諗起都無引啦！
單車褲﹣﹣﹣單車褲就一定要買，香港踩幾個鐘都patpat 痛啦，何況踩十幾日。如果要平就上淘寶買啦，啲質料都ok 嫁。都係最好三四條啦，一個唔好彩落幾日雨，帶得小就無得換。有啲mountain 嘅單車衫可以齋換內胆，又唔會太過做現代青年，都幾好嫁。冬天就可以著一啲3/4 or 全長的單車褲或加腳套。
單車鞋﹣﹣﹣如果專業單車手就用lock 踏鞋，如不就用普通波鞋，有啲人會著運動型涼鞋（Teva),好似話幾舒服，我就無箸過，因為我怕炒車嘅時候會整傷埋隻腳。我自己就著一對salmon 的爬山運動鞋，幾通風又耐磨，最好係不用綁鞋帶，避免鞋帶捲入車鏈中間。
前後單車燈﹣﹣﹣台灣法例好似一定要有，如果無法例都一定要準備，因台灣不像香港，晚上很多地方都無街燈，就算有都隔好遠才有。人生路不熟，對住前路一篇漆黑都幾驚嫁。我第一日就偶上這樣的情況，車燈無電，重要俾狗追，由大路轉入小路去酒店，係啲小村揾路入去鎮，又黑又單程路，如果無車頭燈應該會俾車車死。